«Ауыл — ел бесігі» бағдарламасы елді мекендерге тəн өзекті мəселелерді шешуге түрткі болып отыр. Мəселен, Түркістан облысының Келес ауданында аталған жоспармен 53 шақырым болатын 21 көшеге тас төселген болса, 150 шақырымнан асатын 97 көшеге асфальт төселген. Нәтижесінде елді мекендердегі ішкі көшелердің жақсы және қанағаттанарлық жағдайдағы жолдың үлесі 24%-дан екі есе артты.
Аталған жоба биыл да жалғасын тауып, Ошақты, Біртілек, Жүзімдік ауылдық округтері мен Жолбасшы және Жүзімдік елді мекендеріндегі 30 шақырымнан асатын 18 ішкі жолдар жөндеуден өтеді. Бүгінде жолды жөндеу жұмыстар басталып кеткен. Сондай-ақ, жергілікті бюджет есебінен 41,5 шақырымға, яғни 24 көшеге орташа жөндеу жұмыстарын жүргізу, яғни асфальт жол салып, шағал-тас төсеу жоспарлануда.
Жалпы аудан бойынша республикалық маңызы бар 78 шақырым автомобиль жолы бар. Оның ішінде қанағаттанарлық жағдайы 78,3% құрайды. Ал, облыстық маңызы бар 261 шқ. автомобиль жолының қанағаттанарлық жағдайы 76,5% құрайды.
