Бельгиядағы Қазақстан елшілігі «Абай күніне» орай француз тілінде жазылған Ұлы ақынның «Қара сөздер» жинағын Корольдік кітапхананың қорына табыстады.
Сондай-ақ, кітапханаға ұлы ойшылдың өмірбаяны мен оның бельгиялық поэт Гидо Геззельге ұқсас қасиеттері жайлы материалдар да ұсынылды. Одан бөлек, Абайдың қара сөздері Брюссель мектептері мен кітапханаларына да тарту етілді. 1837 жылы негізі қаланған Бельгияның Корольдік кітапханасы — сол елдегі ең үлкен кітапхана. Мұнда 17 қабатта орналасқан 6 млн.томнан аса кітаптар топтамасы бар.
Еске сала кетейік, осы жылдың маусым айында Брюссельдегі музыкалық аспаптар мұражайына қазақтың музыкалық аспаптары: домбыра, сыбызғы мен қобыз берілген еді.
