Түркістан: Талдықорғанға әуе рейсін ашу жоспарда

Түркістан халықаралық әуежайынан қазіргі таңда 14 бағытта әуе рейстері орындалуда.
Оның ішінде халықаралық рейстер бойынша, Түркістан – Ыстамбұл бағыты бойынша дүйсенбі, жұма, сенбі, жексенбі күндері, аптасына 4 рет, Түркістан – Бішкек бағытымен аптасына 2 рет, дүйсенбі, бейсенбі күндері ұшса, Түркістаннан Ташкентке аптасына 2 рет дүйсенбі, бейсенбі күндері ұшақ ұшады.
Ал, қалааралық рейстер бойынша:
Қазақстандықтар Түркістан – Нұр-Сұлтан бағыты бойынша күнделікті ұша алады. Ал, Түркістаннан Алматыға дүйсенбі, сәрсенбі, бейсенбі, жұма, жексенбі күндері, аптасына 5 рет ұшса, Түркістан – Қостанай рейсімен аптасына 3 рет, дүйсенбі, сәрсенбі, жұма күндері ұшады. Ал, Түркістан – Семей әуе рейсі аптасына 3 рет дүйсенбі, сәрсенбі, жұма күндері, Түркістан – Атырау бағыты бойынша аптасына 3 рет, дүйсенбі, сәрсенбі, жұма күндері, Түркістаннан Қарағандыға аптасына 3 рет, сейсенбі, бейсенбі, жексенбі күндері әуе рейсі қатынайды.
Ал, Түркістаннан Көкшетауға сапар шеккен тұрғындар аптасына 3 рет, сейсенбі, бейсенбі, жексенбі күндері ұша алады. Сондай-ақ, халық Түркістаннан Ақтөбеге сейсенбі, бейсенбі, жексенбі күндері, аптасына 3 күн, ал Ақтауға сәрсенбі, сенбі, жексенбі күндері аптасына 3 рет ұша алады.
Сонымен қатар, Түркістан – Павлодар бағыты бойынша сәрсенбі, сенбі, жексенбі күндері, аптасына 3 рет ұша алса, Орал қаласына аптасына 2 рет, сейсенбі, сенбі күндері ұшу мүмкіндігі бар.
Айта кетейік, «Түркістан-Ыстамбұл» бағытына «Fly Arystan» және Түркияның «Turkish Airlines» әуекомпаниялары, ал «Түркістан-Бішкек», «Түркістан-Ташкент», «Түркістан-Нұр-Сұлтан», «Түркістан-Алматы» бағыттарына «Fly Arystan» әуекомпаниясы және қалған бағыттарға «SCAT» әуекомпаниясы қызмет көрсетеді. Сонымен қатар, жуырда «Qazaq Air» әуекомпаниясының «Түркістан-Талдықорған» бағытындағы әуе рейсін қосу жоспарда.