Биыл Түркістан қаласында қашықтығы 286,4 шақырымды құрайтын 300 көшеге тас төсеу жоспарланып отыр,-деп хабарлайды TurkistanZaman ақпараттық порталы.
Қазіргі таңда Түркістан қаласында жалпы 845 шақырымды құрайтын 875 көше бар. Оның 301 шақырымы асфальт жол болса, 257,6 шақырымды құрайтын көшелерге тасжол төселінген. Қалған 286,4 шақырымы – топырақ жол.
Түркістан қаласындағы тас төсеу жұмыстары Баянауыл елді мекенінен басталды. Нақты айтсақ, 10,8 шақырымды құрайтын 13 көшеге тасжол төселініп жатыр. Сонымен қатар, қашықтығы 27,7 шақырымды құрайтын 34 көшеге, Сауран мөлтек ауданындағы 6,5 шақырымды құрайтын 5 көшеге тас төсеу үшін жер төсемі негізделген.
Сондай-ақ, Сауран мөлтек ауданындағы 53,5 шақырымды құрайтын 40 көше жөндеуден өтеді деп жоспарланып отыр.
