Түркістан қаласында барлық санитарлық-эпидемиологиялық талаптарды сақтай отырып, «Соттар және БАҚ: сындарлы диалог» атты семинар-тренинг өтті, деп хабарлайды TurkistanZaman ақпараттық порталы Жоғарғы Соттың баспасөз қызметіне сілтеме жасай отырып.
Іс-шараға республика соттарының медиада белсенді судьялары мен баспасөз хатшылары қатысты. Семинарды Жоғарғы Сот пен ЕҚЫҰ-ның Нұр-Сұлтандағы бағдарламалар офисі ұйымдастырды. Тренингтің ұйымдастырылудағы басты мақсаты — қатысушылардың жаңа медиамен мемлекеттік тілде жұмыс істеу дағдыларын арттыру.
Тренинг бағдарламасы тілді сапалы әрі түсінікті жеткізуден бөлек көптеген өзекті мәселелерді қамтып шықты. PR коммуникация саласындағы жетекші отандық сарапшылар Ақерке Берлібай мен Қарлығаш Дүсіпбаева дәрістер, интерактивтер, практикумдар, тимбилдингтер және т.б. өткізді.
Одан өзге қатысушылармен бірге әлеуметтік желілердің жаңа үрдістер, дағдарысқа қарсы стратегия мәселесі, коммуникациялық менеджмент, көпшілік алдында сөз сөйлеу, атап айтсақ, TED форматы жан-жақты талқыланды.
