Ж. Жиембаев атындағы Қазақ ғылыми-зерттеу институтының Орман және жасыл екпелерді қорғау және өсімдіктер карантині бөлімінің басшысы Нұржан Мұхамадиев еліміздің аймақтарында зиянкестердің саны неге өсіп келе жатқанын айтты, деп хабарлайды Tengrinews.kz.тілшісі.
Ақтөбе облысының тұрғындары шілде айының соңынан бастап шалғынды жұлдызқұрттың күрт көбеюіне шағымданған болатын. Жұлдызқұрттың көптігі соншалық, олар үй қабырғаларына жабысып, бөлмелерге кіріп, тіпті аяқ астында жүретін жағдайға жетті. Бұл зиянкестердің бір жаманы аймақтағы егіндіктер мен болгар бұрышының плантацияларын жояды. Нұржан Мұхамадиев зиянкестердің жаппай таралуы немен байланысты болуы мүмкін екенін айтты. Сарапшының пікірінше, шалғын жұлдызқұрттары әр он жыл сайын жаппай көбейеді екен.
«Әр 9-11 жыл сайын бұл зиянкестердің жаппай көбеюі орын алады. Бұл негізінен Күн белсенділігінің жоғары кезеңдерімен байланысты және биыл осы үрдіс тағы қайталанды. Күн белсенділігі, құрғақ ауаның жоғарылауы, төмен ылғалдылық – мұның бәрі шалғынды жұлдызқұрттың ғана емес, сонымен қатар басқа да зиянкестердің көбеюіне ықпал етеді.
Жұлдызқұрттар дәнді дақылдарды жейтін аса қауіпті зиянкестердің қатарына жатады, ол 35 тұқымдастың 100-ден аса өсімдік түрін тұтына алады.
