Орталық Азия елдері басшыларының консультативтік кездесуіне Қазақстан, Түрікменстан, Қырғызстан, Тәжікстан және Өзбекстан елдерінің мемлекет басшылары қатысады. Ол Каспий теңізі жағалауындағы «Аваза» ұлттық туристік аймағында өтеді.
Бұл туралы президенттің баспасөз хатшысы Берік Уәли хабарлады.
Сондай-ақ көршілес мемлекеттер басшыларымен екіжақты кездесулер жоспарланып отыр.
Одан бөлек саммитке қатысушылар ұлттық тауарлар көрмесін және Орталық Азия өнер шеберлерінің концертін тамашалайды.
