Бадамдық «робот-сауыншылар» 24 сағат жұмыс істейді

Бадам ауылындағы «Бөрте милка» сүт фабрикасында роботтар жұмыс істейді. Қазіргі таңда фермада 1100 голштин тұқымды сиыр бар. Оның ішінде 400-ге жуығы-сауын сиыр. Ендігі жоспар – сауын сиырдың санын 600-700-ге жеткізу.
Қазіргі кезде бір сиырдан тәулігіне 25-26 литр сүт алынса, қыс мезгілінде 28-30 литрге көбейеді. Оңтүстіктің аптап ыстығы фермерлердің техникалық процесстерді толығымен автоматтандыруына себеп болды. Нәтижесінде Швециялық «DeLava» және Голландиялық «Lely» сиыр сауатын роботтары орнатылды. Барлық сиыр қорада екі роботтан орнатылған.
«Роботтар қолданысқа енгелі сауын көлемі ердәуір артты, сонымен қатар сүттің сапасы да жақсарды. Жұмыс процесіне әсер ететін адами факторлар толығымен тоқтады. Сегіз роботтың жұмысын бақылайтын бір қызметкер ғана бар»-деді ферманың бас директоры.
Бұдан бөлек, кәсіпорында автоматты түрде жемдерді жылжытатын механизм де орнатылған. Жемді заманауи техникамен жабдықталған арнайы цехте араластырады. Жүйе 24 сағат тоқтаусыз жұмыс істеуде.