Saqnews
«Таза Қазақстан» бағдарламасының «Мөлдір бұлақ» акциясы аясында Қарасу ауылдық округіне қарасты Ақбастау ауылында кезекті тазалық жұмыстары жүргізілді.
Е.Табиров көшесінде орналасқан бұлақ аумағы бұған дейін де тазартылып, ретке келтірілген болатын. Алайда араға уақыт салып, бұлақ маңына қайтадан тұрмыстық қалдықтар жиналып, аумақтың тазалығы бұзылған. Осыған байланысты, аудан әкімі Мадияр Оразалиевтің бастамасымен аталған аумақта қайта санитарлық тазалық жұмыстары ұйымдастырылды.
Жұмыс барысында бұлақ жағалауы қоқыстан тазартылып, арамшөптер орылды, қураған ағаштардың бұтақтары кесіліп, айналасы ретке келтірілді.
Жалпы 260 адам қатысып, 7 техника жұмылдырылды. Нәтижесінде 2,8 тонна қоқыс шығарылды.
Тазалықты қамтамасыз ету тек сенбілік өткізумен шектелмеуі тиіс. Тазартылған аумақты қайта ластамау, әсіресе табиғи су көздерін ұқыпты ұстау – ортақ жауапкершілік.
Сондықтан, тұрғындарды бұлақ басы мен қоғамдық орындардың тазалығына жанашырлықпен қарап, атқарылған еңбекті бағалауға шақырамыз.
#ТазаҚазақстан
#TazaQazaqstan
