Redactor
Түркістан облысында Мемлекет басшысының тапсырмасына сәйкес медициналық инфрақұрылымды жаңартуға және емдеудің заманауи технологияларын енгізуге бағытталған жұмыстар жүргізіліп жатыр.
Осы орайда облыс әкімінің бірінші орынбасары Зұлпыхар Жолдасов Сарыағаш көпбейінді аудандық орталық ауруханасын аралап, жұмыс барысымен танысты.
Дәрігерлермен кездесу барысында тұрғындарға көрсетілетін медициналық көмектің сапасы, науқастарды диагностикалау және емдеу шаралары сараланды. Сондай-ақ аудандағы босану көрсеткіштері, ана мен бала денсаулығын қорғау мәселелеріне назар аударылды. Осы бағыттағы жұмыстарды жандандыру бойынша нақты тапсырмалар берілді.
