saqnews.kz
Қазақстан – көпұлтты, көптілді және көпмәдениетті мемлекет. Осындай алуан түрлі қоғамда бейбітшілік пен тұрақтылықтың негізі – бірлік пен ынтымақтастық. Ел Тәуелсіздігін алғаннан бері халқымыз татулықты, достықты және өзара түсіністікті басты құндылық ретінде сақтап келеді. Бұл – Қазақстанның дамуы мен гүлденуінің басты кепілі.
Тарихтың тағылымы – татулықта
Қазақ халқы «Бірлік бар жерде – тірлік бар» деп бекер айтпаған. Тарихымызда ел ішіндегі алауыздық пен алакөздік қаншама қайғылы кезеңдерге әкелсе, бірлік пен бауырмалдық қиын-қыстау замандардан аман алып шықты. Бүгінде 130-дан астам ұлт пен ұлыс өкілдері бір шаңырақ астында тату-тәтті өмір сүріп жатыр. Бұл – біздің елдің басты байлығы.
