Экологиялық мәдениетті қалыптастыру – бүгінгі күннің ең маңызды міндеттерінің бірі. Осы орайда, Республикалық «Таза Қазақстан» экологиялық акциясы аясында Шардара ауданында бірқатар тазалық жұмыстары қолға алынды.
Аудан әкімі Арман Қарсыбаевтың тапсырмасына сәйкес, Шардара–Абай, Шардара–Жетісай, Шардара–Арыс бағытындағы күре жол бойлары мен қаланың сыртқы аумақтарында ретсіз төгілген қоқыстарды жою мақсатында арнайы іс-шаралар ұйымдастырылып, тазалық жұмыстары қарқынды жүргізілуде.
Табиғатты аялау – азаматтық міндет
Қоғамдық орындар мен жол бойында тазалық сақтау – әр азаматтың мәдениетінің көрсеткіші. Осыған орай, Шардара ауданы тұрғындары мен көлік жүргізушілеріне үндеу жолданады:
📢 Құрметті жүргізушілер мен жолаушылар!
Жол бойына бос бөтелке, тәтті қорапшалары, тамақ қалдықтары мен басқа да тұрмыстық қоқыстарды тастамауға шақырамыз. Мұндай әрекеттер табиғатқа зиян келтірумен қатар, ауданның экологиялық ахуалын төмендетеді.
Тұрмыстық қалдықтар арнайы орнатылған қоқыс жәшіктеріне тасталуы тиіс. Тазалық – тек тазарту емес, ол – сананың көрінісі. Өз ортаңызды таза ұстау арқылы сіз қоғамға үлгі боласыз.
Тазалық – бәрімізге ортақ жауапкершілік
Қоғамдық тазалықпен айналысып жүрген қызметкерлер – баршамыздың аналары, әпкелері, бауырларымыз. Олардың күнделікті еңбегі – біз тыныс алып жүрген ауаның, жүрген ортаның тазалығы үшін жасалып жатқан шынайы еңбек.
👉 Олардың еңбегін құрметтейік!
👉 Табиғатты аялау – келер ұрпаққа аманат!
📍 Шардара ауданы әкімдігі тұрғындарды экологиялық сана қалыптастыруға белсенді қатысуға және туған өлкенің табиғатын аялауға шақырады.
🟢 Таза ел – ұлттың айнасы!
🌿 Табиғатты бірге қорғайық!
