Қазақ халқының ғасырлар бойы қалыптасқан рухани құндылықтарын сақтау – бүгінгі күннің басты міндеттерінің бірі. Елдің болмысы, ұлттың рухы мен мәдениетінің негізі саналатын бұл құндылықтар – ұрпақтан-ұрпаққа беріліп келе жатқан асыл мұра. Қазақ халқының тарихы, салт-дәстүрі, әдет-ғұрпы – жас ұрпақтың бойына сіңуі тиіс рухани бағдар. Бұл – әр қазақ азаматының тарих алдындағы үлкен жауапкершілігі.
Қазіргі жаһандану дәуірінде ұлттық рухани құндылықтарды сақтау, оны дамыту, жастардың бойына сіңіру – мемлекет пен қоғамның маңызды міндетіне айналып отыр. Өйткені рухани тұтастық – ел бірлігі мен тұрақтылығын қамтамасыз ететін басты тірек. Бұл бағыттағы жұмыстар – ұлттың болашағы үшін жасалатын аса маңызды қадамдар.
Ұлттық сана – ұлт болмысының өзегі
Ұрпақ тәрбиесінде қазақтың мәдени мұралары, тарихи тағылымы мен өнегелі салт-дәстүрі – басты тәрбие құралы. Осы құндылықтарды бойына сіңірген бүгінгі жас ұрпақ ертеңгі елдің тірегіне айналмақ. Рухани тәрбиенің тамыры тереңде жатқаны белгілі. Бұл – ұлттың бірегейлігін сақтайтын, өз тамырынан ажыратып алмай, заман көшінен қалмай ілгері жылжуына сеп болатын күш.
Жастардың бойында отансүйгіштік, тарихқа деген құрмет, ұлттық құндылықтарға деген ілтипат қалыптастыру үшін мәдени-ағартушылық іс-шаралардың алатын орны ерекше. Осындай рухани-танымдық, тәрбиелік мәні зор шаралардың бірі – жуырда Түркістан облысына қарасты Шардара ауданында ұйымдастырылған патриоттық әндер байқауы.
«Жеңіске жетелеген әндер» – рухтың әні
Шардара аудандық мәдениет сарайында өткен «Жеңіске жетелеген әндер» атты патриоттық әндер байқауы – Ұлы Отан соғысындағы Жеңістің 80 жылдығына арналған маңызды мәдени іс-шара. Байқаудың басты мақсаты – ел тарихын дәріптеу, жас ұрпақтың бойына патриоттық рух пен ұлттық құндылықтарды сіңіру.
Байқауға қатысуға ниет білдіргендердің қатары көп болды. Жастардың белсенділігі, өнерге деген қызығушылығы, тарихқа деген құрметі – рухани жаңғыру жолында атқарылып жатқан істердің жемісі деуге болады.
Көрермен көңілінен шыққан өнер
Байқауға қатысушылар әндерді ерекше талғаммен таңдады. Әннің мазмұны, орындалу шеберлігі, дауыс мақамы мен сахнада өзін ұстауы – барлығы жоғары деңгейде болды. Көрермендер ерекше әсер алып, жас таланттардың өнеріне ризашылығын білдірді.
Қазылар алқасының құрамында ауданның мәдениет саласындағы үздік мамандары болды:
-
Қазылар алқасының төрайымы – аудандық мәдениет, тілдерді дамыту, дене шынықтыру және спорт бөлімінің бас маманы Әнуар Карима Тойшыбекқызы,
-
Қазылар алқасының мүшелері – мәдениет сарайының бөлім меңгерушісі Мәуленова Зәуреш Молдаханқызы мен мәдениет сарайының әншісі Жақыпбай Гүлмарал Ержанқызы.
Олар әр қатысушының орындау мәнеріне, әннің көркемдік мазмұнына, сахналық мәдениетіне айрықша мән беріп, әділ бағасын берді.
Жүлдегерлер мен марапат иелері
Байқау нәтижесінде үздік деп танылған өнерпаздар төмендегідей марапатталды:
-
І орын – Шардара қаласынан Ділдәбек Асылбек,
-
ІІ орын – Қызылқұм ауылынан Камалбай Жансезім Ербұланқызы,
-
ІІІ орын – Егізқұм ауылынан Сарсенали Мейіржан Дарменұлы.
Сонымен қатар, арнайы жүлделер де табысталды:
-
Шардара ауданы әкімінің арнайы жүлдесі – Қоссейіт ауылынан Талдыбай Раяна,
-
Аудандық мәдениет бөлімінің арнайы жүлдесі – Алатау батыр ауылынан Пернебек Рамазан Бердібекұлы,
-
Қатысқаны үшін арнайы жүлделер: Сүткент ауылынан Сержан Кәусар, Көксу ауылынан Сейілхан Айзере Балтабайқызы, Қ.Тұрысбеков ауылынан Серікбай Мерей Әлібекқызы, Ұзыната ауылынан Бекталин Балауса Рүстемқызы.
Барлық қатысушыларға арнайы дипломдар мен сыйлықтар табыс етілді. Ұстаздардың еңбегі мен қатысушылардың шеберлігі – байқаудың жоғары деңгейде өтуіне үлкен үлес қосты.
