saqnews.kz
2025 жылдың сәуір айында Шардара ауданы N16 колледжінде жастар арасында психологиялық сауаттылықты арттыру және жан күйзелісінің (стресстің) алдын алу мақсатында “Жан күйзелісі және одан арылу жолдары” тақырыбында семинар-сабақ ұйымдастырылды. Шараны колледждің психологы Д. Касимова мен әлеуметтік педагог А. Сейдәлі өткізді.
Семинар аясында қазіргі қоғамдағы өзекті мәселелердің бірі — суицидтің себептері мен алдын алу жолдары туралы кеңінен сөз қозғалды. Мамандар психологиялық қысымға түскен жастардың мінез-құлқындағы өзгерістер мен олардың себептерін түсіндіріп, қиындықтармен күресудің тиімді тәсілдерін ұсынды.
Сабақта адамның мінез-құлқын басқаруда ми қыртысының рөліне ерекше назар аударылды. Атап айтқанда:
-
Инстинктивті мінез-құлық – бұл ата-бабадан берілген, ми қыртысының төменгі аймақтарында сақталып қалған, тіршілікті қамтамасыз ететін алғашқы реакциялар (жылау, ему, қорғану және т.б.);
-
Жеке мінез-құлық – адамның өсуі мен дамуы барысында қалыптасатын тұлғалық сипаттар;
-
Ұжымдық мінез-құлық – сөз арқылы пікір алмасу, еңбек ету барысында дамитын дағдылар мен әдеттер.
Бұл мінез-құлық түрлері адамның психикалық күйі мен өмірлік әрекетіне тікелей әсер ететіні атап өтілді. Семинар барысында студенттерге күйзелістен арылуға көмектесетін практикалық жаттығулар ұсынылып, өз-өзіне сенімділікті арттыру жолдары түсіндірілді.
Іс-шара жастар арасында жан саулығын сақтау, өзін-өзі бағалау, өмірге деген құндылықты арттыру мақсатында ұйымдастырылып, қатысушылардан оң пікірлерге ие болды.
