saqnews.kz
Сауран ауданының Құмтүйін елді мекенінде қайырымды жандардың қолдауымен бір отбасы қоныс тойын тойлады. 1988 жылы туған ауыл азаматтары баспанаға мұқтаж жерлестеріне үй сыйлады. Баспана кілтін табыстау салтанатына облыстық мәслихат депутаты Баймахан Сүлейменов пен аудан әкімі Мақсат Таңғатаров арнайы қатысып, жаңа шаңырақ иесін қуанышымен құттықтады. Игі іске мұрындық болған азаматтарға аудан басшысы арнайы Алғыс хат табыстады.
«Жүрегі кең, жомарт азаматтардың арқасында ауданда сауапты істер жалғасып келеді. Қайырымды азаматтардың бұл бастамасы көпке үлгі боларлық іс ретінде жоғары бағаланады. Бұл тек бір отбасының ғана қуанышы емес, қоғамдағы ізгіліктің көрінісі. Әрбір адам өзінің шаңырағында бақытты болуы тиіс. Жаңа үй – жаңа мүмкіндіктер, жаңа бастама», – деді аудан әкімі.
Түркістан облысының Өңірлік коммуникациялар қызметі
