saqnews.kz
Бүгінде Кентау қаласында «Таза Қазақстан» экологиялық бағдарламасы аясында сенбілік шаралары ерекше форматта өтуде. Игі іс «Қоқыс алып кел де, балмұздақ ал» атты плогинг акциясы аясында ұйымдастырылған. Бұл экологиялық бастамаға балалар мен жастар ерекше қызығушылық танытып, белсенді түрде қатысып жатыр. Жалпы ауқымды тазалық жұмыстарына қаладағы 30-ға жуық мекемеден 500-ге жуық қызметкер, еріктілер мен тұрғындар белсене қатысқан.
Сенбілік барысында 12 арнайы техника жұмылдырылып, нәтижесінде 50 тоннаға жуық қоқыс қала аумағынан шығарылды. Қала тазалығына бағытталған бұл шаралар мұнымен тоқтамай, тұрақты түрде жалғасын табатын болады. Қала әкімдігі алдағы уақытта да осындай креативті әрі тиімді экологиялық іс-шараларды тұрақты түрде өткізіп отыруды жоспарлап отыр.
Түркістан облысының Өңірлік коммуникациялар қызметі
