Павлодар облысынан Тәжікстан мен Өзбекстанға заңсыз бензин шығармақ болғандар анықталды, — деп хабарлайды Tengrinews.kz тілшісі.
Бұл туралы брифингте Павлодар облысы бойынша Экономикалық тергеу департаментінің басшысы Арман Жүнісов мәлім етті.
«Павлодар облысы аумағынан тыс жерлерге жанар-жағармайды заңсыз әкету бойынша екі деректің жолы кесілді. Бір компания жанармайға қосылатын қоспаны желеу етіп Тәжікстан мен Өзбекстанға он вагон бензин экспорттамақ болған. Тергеу шаралары жүргізіліп жатыр. Қосымша сынамалар алынып, сараптамалар жүргізіліп жатыр», — деді Жүнісов.
Ол тергеу мүддесіне қатысты басқа ақпарат жарияланбайтынын айтты.
