Түркістан облысында деструктивті діни ағым жақтаушысынан сора есірткісі тәркіленді, деп хабарлайды ҚазАқпарат полицияға сілтеме жасап. Түркістан облысы полиця департаментінің экстремизмге қарсы іс-қимыл басқармасының қызметкерлері ҰҚК Түркістан облысы бойынша департаментімен бірлесіп жедел іздестіру шараларын жүргізді. Оның барысында есірткі затын сатады деген күдікпен ер адамды ұстады. Ол – деструктивті діни ағымның жақтаушысы ретінде тіркелген Кентау қаласының тұрғыны болып шықты.
Жедел уәкілдер күдіктінің тұрғылықты мекенжайына тінту жүргізіп, оның үйінің ауласынан биіктігі 30-40 см болатын есірткіге ұқсас 17 түп өсімдікті тауып, тәркіледі. Сараптама қорытындысына сәйкес, айғақ ретінде алынған шөп құрамында есірткісі бар «сора» болып шықты. Аталған жайт ҚР ҚК 300-бабы 1-бөлігі бойынша тіркелді. Қазіргі уақытта сотқа дейінгі тергеу амалдары жүріп жатыр. Оқиғаның бүкіл мән-жайы анықталады.
