Қазақстанның орта мерзімді экономикалық даму саясаты қайта қаралып, оған өзгерістер енгізілді, деп хабарлайды ҚазАқпарат тілшісі. Ұлттық экономика министрлігінің мәліметінше, жаңа стратегия Президенттің отандық ірі бизнес өкілдерімен кездесуінде берген тапсырмалары аясында әзірленген. «Орта мерзімге арналған экономикалық даму жоспары әлеуметтік-экономикалық дамуды қамтамасыз ету, кірістерді әділ бөлу, жаппай кәсіпкерлік арқылы халықтың теңдігін қамтамасыз ету және нақты әл-ауқатын арттыру мақсатында әзірленіп отыр. Экономикалық саясат стратегиясы инфрақұрылымдық мүмкіндіктер, өңірлік және ел ішіндегі ерекшеліктерді ескере отырып дайындалған. Жаңа Қазақстанның экономикалық саясаты экономикалық агенттер мен азаматтардың әлеуетін барынша ашуға, әділдік пен мүмкіндіктер теңдігін қамтамасыз етуге бағытталған», – делінген ашық талқыға шығарылған құжатта. Еске сала кетейік, биыл 19 мамырда елдегі кәсіпкерлермен кездескен Мемлекет басшысы Қасым-Жомарт Тоқаев Үкіметке бизнестің құқығын қорғау, жаңа экономикалық саясатты айқындау бойынша бірқатар тапсырма берген ед
