Шымкентте ЖШС директорына қатысты бюджет қаражатын жымқыру фактісі бойынша соталды тергеу басталды, – деп хабарлайды Tengrinews.kz тілшісі Қаржы мониторингі агенттігіне сілтеме жасап.
ҚМА Шымкент қаласы бойынша аумақтық департаменті “Қамқор” жедел-алдын алу іс-шаралары нәтижесінде ЖШС директорына қатысты бюджет қаражатын жымқыру фактісі бойынша сотқа дейінгі тергеуді бастады.
“Ол 2019 жылы мүгедек балаларға арналған алаңдар құрылысының орындалған жұмыстар актілеріне жалған мәліметтер енгізу арқылы 3 миллион теңге жымқырды деген күдікке ілінді. Қазіргі уақытта іс бойынша соталды тергеу жүргізіліп жатыр. ҚР Қылмыстық-процестік кодексінің 201-бабына сәйкес өзге мәліметтер жария етілмейді”, – делінген хабарламада.
