Бір жарым жыл бойы іздеуде жүрген ол Түркістан мен Кентау қалаларының аумағында мал ұрлығымен айналысқан топ құрамында болған. Қылмыстық топ 70 миллионнан астам шығын келтірген. Нақтырақ айтсақ, 150-ден астам жылқы мен сиыр ұрлаған.
Істің мән-жайын анықтай келе, іздеуде жүрген күдіктінің Қызылорда облысы Байқоңыр қаласында бой тасалап жүргені анықталды. Қылмыскерлер ұрланған малды өз пайдасы үшін сатып отырған. Бұған дейін топтың 5 мүшесі ұсталған болатын.
Жасұлан Нысанбай, облыстық ПД криминалдық полиция басқармасы бастығының орынбасары:
«10 ай көлемінде жалпы 19 мал ұрлығы қылмыстарын жасаған қылмыстық топ құрықталып, олармен жалпы 70 дерек мал ұрлығына қатысы бары дәлелденіп, сотқа жолданды. Ал ұрланған 1317 мал басының 411-і иелеріне қайтарылды».
Еске сала кетсек, жыл басынан бері Түркістан облысында 214 мал ұрлығы қылмысы тіркелген. Оның 117-сі ашылған.
