ҚР Төтенше жағдайлар министрлігі азаматтық қорғау саласындағы қызметкерлер арасында «Полиглот» атты республикалық байқау ұйымдастырды. Мақсат – ҚР Тәуелсіздігінің 30 жылдық мерейтойына орай үш тілді жетік меңгерген сала қызметкерін анықтау.
Қатысушыларға «Ел Тәуелсіздігінің 30 жылдығы» тақырыбында үш тілде ролик түсіріп, жергілікті БАҚ пен интернет-ресурстарда жариялау талабы қойылды. Сондай-ақ олар А4 форматындағы екі парақтан тұратын мақала жазды.
Нәтижесінде, облыстық «Полиглот» байқауынан жеңімпаз атанған Түркістан облысы ТЖД Мемлекеттік өрт бақылау басқармасының бас маманы, азаматтық қорғау аға лейтенанты Бақдаулет Асанхан республикалық байқауда 1-орынға ие болды.
