Үндістанның Керала штатындағы 11 адамда өлімге соқтыратын нипах вирусы анықталды деп хабарлайды Tengrinews.kz РИА Новостиге сілтеме жасай отырып. Қазіргі уақытта Кожикоде медициналық колледжі мен ауруханасында 38 адам оқшауланған, олардың 11-де аурудың белгілері байқалған.
«Сегіз адамның сынамасы ұлттық вирусология институтына тестілеу үшін жіберілді», — деді Джордж NDTV-ге берген сұхбатында.
Оның айтуынша, ауруханаға жатқызылған барлық адамдардың денсаулығы тұрақты. Жақында ғана Керала билігі 12 жасар баланың нипах вирусынан қайтыс болғаны туралы хабарлап, штат дәрігерлері онымен байланысқан 251 адамды тексеруді бастаған болатын. Аурудың таралуын болдырмау үшін Үндістан Денсаулық сақтау министрлігі эпидемиологиялық бақылауды күшейтуді және науқастардың байланыстарын неғұрлым қарқынды бақылауды ұсынды. Кожикоде аймағында және көрші үш ауданда да қауіпсіздік шаралары күшейтілді.
Нипах вирусы ұшатын түлкілер мен тышқандардан таралады. Әдетте бұл вирус жануардың сілекейі жағылған жемістерді жеген адамдарға жұғады. ДДҰ бұл вирусты әлемдегі ең қауіпті деп атайды, оған қарсы дәрі-дәрмек пен вакцина жоқ, ал өлім деңгейі 40% пен 75%-ға дейін жетеді. Бұл Үндістандағы нипах вирусының алғашқы өршуі емес. Аталған індет 2001 және 2007 жылдары Батыс Бенгалияда, 2018 және 2019 жылдары Керала штатында өршіген болатын.
