Қазақстан Республикасы Конституциясының II бөлімі әр адамға ар-ождан бостандығы мен сөз бостандығын кепілдендіре отырып, сонымен бірге заңдарды сақтау, табиғатты қорғау және тарихи-мәдени мұраларға құрметпен қарау секілді азаматтық міндеттерді жүктейді.
Көпэтносты Түркістан облысында барлық азаматтардың тілі мен мәдениетін дамытуға, ар-ождан бостандығын сақтауға тең мүмкіндіктер жасалған. Облыстық «Достық үйінде» этномәдени бірлестіктер татулық пен бірлікті нығайту жолында бірлесе еңбек етсе, өңірлік бұқаралық ақпарат құралдары мен қоғамдық кеңестер ашық диалог алаңы ретінде сөз бостандығы қағидаттарын жүзеге асыруда.
Сонымен қатар түркістандықтар өздерінің конституциялық міндеттерін де жоғары жауапкершілікпен атқаруда. «Таза Қазақстан» жалпыұлттық экологиялық акциясы аясында облыс тұрғындары мен жастары туған өлкені көгалдандыруға, Қожа Ахмет Ясауи кесенесі мен көне Отырар сынды киелі тарихи-мәдени ескерткіштерді сақтауға белсене атсалысуда. Құқық пен міндет тең сақталған қоғамда ғана тұрақтылық пен өркендеу болады.
#Конституция2026
Құқық пен міндет тұтастығы — Түркістан өңіріндегі қоғамдық келісім негізі