Ол үшін бар болғаны 50 мың теңге төлесеңіз болды. «Құрметке» ие болып шыға келесіз. Мұндай даңқты оп-оңай жолмен иемдену және оны саудалау қаншалықты заңды? Ұзақ жылғы адал еңбекпен келетін мәртебенің құнын түсіріп жүрген кімдер? Саудаға салынған атақ кімге керек? Тілшіміз Жандос Тастемір тарқатады.
Әйгерім Жұмабай біраздан бері өлеңін жинаққа шығаруды армандап жүр. Содан әлеуметтік желіден «энциклопедия» дегенге көзі түседі. Жалғыз үміті осында еді. Марапатты үлестірушілер байқаудан өткенін хабарлайды. Бірақ, Әйгерімнің қуанышы көпке ұзаған жоқ.
Әйгерім ЖҰМАБАЙ, қала тұрғыны:
«Поштаға 50 мың теңге саласыз, туындыңыз мына кітапқа енгізіледі» деген сияқты сөздерді оқыдым. Поштама келді. «Қазақстанның құрметті азаматы» деген куәлікпен бірге беріледі деп сендірді мені. Сонда «Құрметті атақ» не, дүкенде тұрған зат не? Ондайлар көбейіп кетті. Жас мамандар арасында да, мектеп қабырғасындағы ұстаздар арасында да сондайлар көп. Бұлай кете берсе қандай болады? Заманымыз қандай болады?»
Әлеуметтік желіде соңғы кездері осы тектес түрлі жарнамалар қаптап кетті. Ақын Мақпал да «сондай бір алаяқтарға құрбаны болдым ба?» деп алаңдайды. Өйткені жауаптылармен қайта хабарласса, телефонын алмайды. Себебі «Бұл ешқандайда мемлекеттік ұйым емес. «Қазақстанның құрметті азаматы» — дегенді алғаш рет естуім», — дейді заңгер Қайрат Әбдикаримов те. Қоғамдық ұйымдардың беруі мүмкін. Алайда,оның ешқандай маңызы жоқ деді – ол.
Қайрат ӘБДІКӘРІМОВ, заңгер:
«Құрметті азаматтың құрметін қашырып аламыз. Қоғамдық ұйымдар медальдарды қолдан жасап беріп жатыр. Бірақ оның мемлекеттік маңызы жоқ. Қоғамдық бірлестіктің марапаты деп есептеу керек»
ТҮЙІН: Негізінен, «Құрметті азаматы» марапаты — облысқа елеулі үлес қосқан азаматтарға ғана берілетін ең жоғарғы награда. Ол Президент жарлығымен ғана берілуі тиіс. Бірақ мұндай сатылатын құрметсіз атақтардың құны көк тиын.
