Ел тұрғындары тұтынатын қанттың тек 7 пайызы ғана отандық зауыттарда өндіріледі. Бұл туралы Үкімет отырысында Ауыл шаруашылығы министрі Ербол Қарашөкеев мәлімдеді. Мұндай көрсеткішке егістік алқаптарына судың жетіспеуі және қант зауыттарының тозуы себеп. Сондай-ақ ресейлік өндірушілер қантты төмендетілген бағамен сатуы да әсер етіп отыр. Осылайша еліміздің жыл сайын тұтынатын қант мөлшері 532 мың тоннаны құраған. Министр қант өндірісін 7 есе 254 мың тоннаға дейін ұлғайту көзделіп отырғанын айтты. Ал мұндай нәтижеге қол жеткізу үшін 5-6 жылға субсидия берілуі тиіс.
Ербол Қарашөкеев – ҚР Ауылшаруашылығы министрі:
«Қанттың жылдық тұтынуы шамамен 532 мың тонна, оның 7 пайызы отандық шикізаттан. Бұған шағын өндіріс, суаруға қажетті судың тапшылығы және қант қызылшасын өсірудегі қол еңбегі, қант зауыттарының құнсыздануы, ресейлік өндірушілердің бағаға қатысты демпингі себеп болып отыр».
