Қазығұрт: Базарда жоғалған 3 жасар бала табылды

Түркістан облысы, Қазығұрт ауданында базарда 3 жасар бала жоғалды,- деп хабарлайды өңірлік полиция департаментінің баспасөз қызметі.
Хабарлама түсе сала іздеуге шыққан тәртіп сақшылары жақын маңдағы көшелерді, сондай-ақ, қоғамдық орындарды тексеріп шыққан. Бірнеше сағаттан кейін полиция қызметкерлері жоғалған баланы сол маңдағы саябақтан тауып, ата-анасына аман-сау табыстаған.
Анасының айтуынша, ол ұлынан базарда сауда жасап жатқан кезде көз жазып қалған. Бір сағаттай өзі іздеп таппақ болған, алайда, таба алмаған соң полицияға хабарлаған.