Қазақстанда және ТМД елдерінде шетелдік төлқұжаттың құны қанша? Жалпы, төлқұжат бағасы қалай қалыптасады? Азық-түлік тауарларына бағаның өсуі аясында оның құнын қайта қарау жоспарланған ба? ҚР Ішкі істер министрлігі ҚазАқпарат тілшісінің сауалына жауап берді.
Шетелге арналған төлқұжат бағасы қалай белгіленеді?
Құжаттың құнын есептеу жеке басты куәландыратын құжаттарды дайындауға және беруге көрсетілетін қызметтерді өтеу қағидаты бойынша жүзеге асырылады. Қазақстан Республикасы төлқұжатының өзіндік құны жеке басты куәландыратын құжаттардың бланкілерін дайындау үшін шикізат пен материалдарды сатып алудан, құжаттарды дайындаудан, жаңа жабдықтардан, жаңа технологияларды енгізуден, қорғаныс элементтерінен және басқа шығындардан құралады. Төлқұжат үшін мемлекеттік баж мөлшерлемесі «Салық және бюджетке төленетін басқа да міндетті төлемдер туралы» Қазақстан Республикасы кодексінің (Салық кодексі) 615-бабында белгіленген.
Соңғы 5 жылда төлқұжат құны қаншалықты өзгерді?
Шетелдік төлқұжаттың құны 8 айлық есептік көрсеткішті (24 504 теңге) құрайды. 2 017 жылы төлқұжат құны 4 АЕК (1 АЕК 2 269 теңгені құрады) – 9 076 теңгені құраған болатын. 2018 жылдан бастап төлқұжаттың бағасы өзгеріссіз — 8 АЕК және айлық есептік көрсеткіштің өзгеруіне байланысты ғана қымбаттай түседі. Жеке куәлік үшін мемлекеттік баж мөлшерлемесі әлдеқайда төмен. Салық кодексінің 615-бабына сәйкес, оның сомасы АЕК-тің 0,2 пайызын немесе 612,60 теңгені құрайды.
