Ірі компаниялардың акциялары құнсызданып жатыр

Елімізде ірі компаниялардың акциялары құнсызданып жатыр. Бұл туралы Қаржы нарығын реттеу агенттігі хабарлады. «Қазақстан қор биржасы» сауда тізімдерінде 150 эмитенттің 164 акциясы болса, оның 43 шығарылымы KASE Global секторындағы айналысқа жіберілді. Ақпан айының қорытындысы бойынша KASE индексі 5,3%-ке төмендеген. Соның салдарынан кәсіпорындардың жоғалтқан қаржы көлемі 3,5 трлн теңгеге жеткен. Әсіресе, «Қазақтелеком» және «Қазақстанның Халық жинақ банкі» көбірек шығынға ұшырап отыр.