Шымкенттегі перзентхана маңындағы болған жарылыс қасақана жасалуы мүмкін. Бұл туралы төтенше жағдайлар министрі Юрий Ильин мәлімдеді. Оның айтуынша, оқыс оқиға боларда дабыл қаққыш іске қосылған екен.
Еске салайық, үшінші мегаполистегі жарылыс кесірінен оқиға орнында күзетші қаза тапқан еді. Кейін дүниеге келгеніне 18 күн болған сәбидің де қайтыс болғаны хабарланды.
Юрий Ильин, ҚР төтенше жағдайлар министрі:
- Онда дәрілік заттарды өндіруге көп мөлшерде химиялық заттар сақталған. Қалай болғанда да, сутегі асқын тотығы, нұсқалардың бірі ретінде, себеп болуы мүмкін.Тағы бір нұсқа – жедел-іздестіру шаралары барысында күзет компаниясы қозғалыс болғанын тіркеген. Нысандағы датчиктер іске қосылған. Басқа нұсқа да қарастырылып жатыр, қасақана жасалуы мүмкін.
