Германия канцлері болып сайланған Олаф Шольц алғашқы мәлімдемесін жасады. Социал-демократиялық партияның жетекшісі коронавирус пандемиясын еңсеріп, адамдардың қалыпты өмірге оралуын қамтамасыз ететіндігін жеткізді. Жаңа канцлер ол үшін жыл соңына дейінгі 30 млн доза вакцина салу жоспарын орындайтынын да жеткізді.
Сондай-ақ, Шольц сыртқы саясат мәселесінде де, ел ұстанатын позициясын таныстырды. Әсіресе, Ресейдің Украинаға қарсы агрессиялық саясатына тоқтау қою керектігін жеткізді. Ол үшін Еуропалық Одақ ішіндегі қарама-қайшылықтарды жою керек.
Олаф Шольц, Германия канцлері:
«Ресей-Украина шекарасындағы жағдай мені алаңдатады. Осы мәселені еуропа Кеңесінде көтеремін. Бір жайтты түсіндіргім келеді. Бір елдің тәуелсіздігіне жасалған кез-келген қастандыққа қарымта қайтарылуы тиіс. Бұл үшін біздің Трансатлантикалық одақтастарымызбен де кеңесеміз. Еуропалық Одақтың бірлігін нығайтуымыз керек. Себебі, эскери державаға айналдып келе жатқан Қытайға қарсы тұра алу қабілетімізді дамытқан жөн. Қытай өз мүдделерін қорғағанда, неге біз қорғамаймыз?»
