Украинадағы жағдайға байланысты Біріккен Ұлттар Ұйымы Қауіпсіздік кеңесінің шұғыл отырысы өтті. Бұл жиналыс Украинаның сыртқы істер министрінің өтініші бойынша кезектен тыс ұйымдастырылды. Бас хатшының орынбасары Розмари ДиКарло шиеленісті бейбіт шешуге және Ресей мен Украинаны өзара келісімге келуге шақырды.
БҰҰ Қауіпсіздік Кеңесі Украина төңірегіндегі жағдайды шұғыл талқылау үшін осы аптада екінші мәрте жиналды. Шұғыл отырыс Нью-Йорк уақыты бойынша 21:30-да басталды.Украинананың ұйымдағы тұрақты өкілі Сергей Кислица жиын болардан бір сағат бұрын ресей елшісімен сөйлескенін айтты. Ол онда ресейлік әскерилер украиндарға оқ жаудырмайтынын және шабуылды жалғастырмайтынын жазбаша растауды өтініпті. Алайда, жағдай күткендей болмады. Сондықтан, Сергей Кислица Лавровқа қоңырау шалып сөйлесу үшін үзіліс жасауды сұрады.
Cергей Кислица- Украинаның БҰҰ өкілі:
«Қалай болса да, сіздер соғыс жарияладыңыздар. Оны тоқтату осы органның міндеті. Сондықтан мен сіздердің әрқайсыңызды соғысты тоқтату үшін қолдан келгеннің бәрін жасауға шақырамын. Әлде мен сіздің президентіңіздің соғыс жариялап жатқан бейнеролигін көрсетуім керек пе?».
Сондай-ақ, Сергей Кислица Ресей елшісі Василий Небензя оң жауап бере алмаса, Ресей осы айда атқаратын Қауіпсіздік кеңесіне төрағалық етуді тапсыруы керек деді. Содан кейін украиналық Қауіпсіздік кеңесінің кезекті шұғыл отырысын шақырып, БҰҰ органын «соғысты тоқтатуға шақырды, өйткені деэскалация туралы айтуға тым кеш» екенін айтты.Ал, Мінбеге шыққан Василий Небензя Донецк пен Луганскіде тұратындар Украинандан қорлық көріп жатқанын айтты.
Василий Небензя- Ресейдің БҰҰ тұрақты өкілі:
«Босқындар әлі де Ресейге ағылуда. Бір сөзбен айтқанда, Украина әскерилерінің арандатушылық әрекетінің сипаты өзгерген жоқ. Донецкіде тұратындар өздерін атқылап жатыр. Украиндық ертегілерді қайталай отырып, мұны байқағың келмейді. Ал Донбасста тұратындардың көріп жатқан азабы біздің батыстық әріптестерімізге әсер етпейтіні таңқаларлық жағдай».
Біріккен Ұлттар Ұйымы мен НАТО Украинаның жағдайын талқылап жатқанда, Ресейдің қор және қаржы нарықтарындағы құлдырау жалғасуда. Мәскеу биржасының индексі 35 проценттен астам төмендеп кетті. Санкциялардың әсерінен ірі компаниялардың акциялары да құнсызданып кеткен. Мысалы, Газпром мен Лукойл акциялары 40, Сбер 30, ал Яндекс акциясы 30 процентке арзандады. Ал рубльге шаққандағы доллар бағамы 10 процентке қымбаттап, тарихи максимумға жеткен.
