Токиода паралимпиада ойындары өтіп жатыр. Дүбірлі сында бүгін ел қоржынына алғашқы алтын медаль түсті. Қазақ спортшысы Давид Дегтярев пауэрлифтинг спортынан чемпион атанды.
54 келі салмақ дәрежесінде сынға түскен отандасымыз 170 келіні бағындырып, алғашқы мүмкіндігінің өзінде-ақ чемпион атанып үлгерді. Ал келесі мүмкіндігінде 174 келі салмақты еңсерді. Күміс жүлдені француз Аксель Бурлон еншілесе, қола жүлде Димитрус Бакохристосқа бұйырды.
