Қазақстан Президенті Қасым-Жомарт Тоқаев шетелге заңсыз шығарылған қаржыны қайтаруға баса мән беруді тапсырды. Бұл туралы мемлекет басшысы Жанат Элимановқа ерекше пәрмен берді. Қаржылық мониторинг Агенттігінің төрағасы биыл тоқтатылған күдікті операциялардың 3 есе жоғарылағанын, ондағы ақшаның көлемі 150 млрд. теңгеге жуық екендігін мәлімдеді. Сондай-ақ, Қазақстан-Қытай шекарасындағы тексеру жұмыстарының алғашқы нәтижелері баяндалды. Нақтыласақ, 3 аптаның өзінде 8 қылмыстық, 24 әкімшілік іс қозғалыпты. Нәтижесінде, тауар импортының көлемі азайғанымен, кедендік төлемдер мен салықтардың 20 пайызға артқан.
