Швеция мен Финляндия делегациясы НАТО құрамына кіру мәселесін талқылау үшін Түркияға барды. АҚШ пен Еуропа елдері аталған мемлекеттердің ұйымға қосылуын қолдап отыр. Алайда Режеп Тайып Ердоған Швеция мен Финляндияның НАТО-ға кіруіне қарсы. Оған себеп екі елдің лаңкестік ұйымдарға қолдау көрсетуі дейді. Десе де, әскери одақтың бас хатшысы Йенс Столтенберг келіссөздердің сәтті боларына сенімді.
Йенс Столтенберг – НАТО бас хатшысы:
«Біз барлық келіспеушілектерді шешуге тырысамыз. Түркия стратегиялық маңызы зор одақтас ел. Блок лаңкестік топтарға қолдау көрсетуді құптамайды. Дегенмен ешбір ұлт бір-бірімен араздықта болмауы тиіс. Тараптар келісімге келіп, маңызды шешім қабылдайды деген ойдамын. Бәрін уақыт көрсетеді.»
