«Барселона» капитаны Лионель Месси каталониялық клуб сапынан кетті.
«Барселонаның» ресми сайты таратқан ақпаратқа сәйкес, клуб Мессимен жаңа келісімшарт бойынша келісімге келген, алайда Ла Лига ережелері келісімді ратификациялауға мүмкіндік бермепті.
«Бұндай жағдайда Месси «Барселона» ойыншысы болып қалмайды. Ойыншының да, клубтың да қалағаны орындалмай қалуы қос тарап үшін өкінішті жайт болып отыр» делінген хабарламада.
Айта кетейік, Мессидің «Барселонамен» соңғы келісімшарты 30 маусымда аяқталды және ол мансабында бірінші рет еркін агент атанған еді.
