ХХ ғасыр үздік футболшыларының бірі, аты аңызға айналған Диего Марадонаның адам саудасымен байланысы болуы мүмкін. Мавис Альварес есімді әйел аргентиналық сотқа осылай шағымданды.
Айтуынша, 16 жасында Марадона оған зорлық-зомбылық көрсетіп, жыныстық қатынасқа итермелеген. Одан бөлек, Альварес өзін футболшы есірткіге тәуелді қылғанын да айтты.
Естеріңізге сала кетсек, Куба Президенті Фидель Кастроның шақыруымен Диего Марадона бірнеше жыл Кубада тұрған еді. Ондағы мақсаты кокаинге тәуелділіктен арылу еді. Сол кезде Фидель Кастроның жақтастары оны Марадонамен таныстырған және болған оқиғаны жасыруға тырысқан. Марадона былтыр қайтыс болғанымен, Альварес оның менеджері Гильермо Копполаны жауапқа тартпақ ниетте. Себебі, ол Марадонамен бірге Кубада болған.
Мавис Альварес, Марадонаның менеджері:
«Көшеде кетіп бара жатқан жерімнен бейтаныс біреулер маған қоқан-лоққы көрсетіп, белгісіз бір жаққа алып кетті. Фидель Кастроның өзі қысым жасағаннан кейін, менің отбасым көнуге мәжбүр болды. Марадона өзімен бірге көп уақыт бірге өткізуге мәжбүрледі. Бірер күннен кейін, кокин қабылдадым. Ол мені күнде ұрып-соғатын. Енді өз мақсатыма жеттім. Мұны бүкіл әлем білгенін қалаймын.
