Қожа Ахмет Ясауи кесенесінде зергерлік көрме өтті. Экспозицияға 19 ғасырдан бері сақталған көне бұйымдар қойылды. Шараға Түркістан қаласының тұрғындары ғана емес бауырлас Түркия мемлекетінен де қонақтар келіп қатысты. Толығырақ тілші бейнематериялында.
Cерхан Чынар бүгінгі көрмеге Түркия мемлекетінен арнайы келіпті. Тарихи жәдігерлерді көріп Қазақстанның мәдениетімен терең танысқанын айтады. Мұндай шараларға алдағы уақытта да келуге тырысамын дейді. Себебі бүгінгі экспозиция шетелдік қонаққа өте ұнапты.
Серхан Чынар, турист:
«Осы көрме үшін Түркиядан арнайы келдік. Қожа Ахмет Ясауи кесенесі барлық түркі мемлекетінің астанасы болғанына қуаныштымын».
Көрмеге қойылған әрбір әшекей бұйымдардың өзіндік тарихы бар дейді ұйымдастырушылар. Мәселен мына жүзіктерді келініне риза болған ене оның анасына сыйға беретін көрінеді. Ал тұмарларды жас аналарға әулеттің ұрпағын жалғастырсын деп таққан екен.
Ерсін Тәжібаев, Әзірет Сұлтан мемлекеттік қорық музейінің директорының міндетін атқарушы:
«Айта кетейік бұл экспозициялар Қожа Ахмет Ясауи кесенесінде 10 күн бойы тұрады. 200 жыл бойы сақталған бұл бұйымдар қашанда құнды болып қала бермек».
