Үйінде 2700-ден астам түп көкнәр өсірген егде жастағы ер адамды ұсталды. Оқиға Сарыағаш ауданында болған. Полиция бөліміне түскен ақпарат бойынша тәртіп сақшылары дереу іске кірісіп, күдіктіні құрықтаған. Тінту жұмыстары нәтижесінде есірткі аралас өсімдік егде жастағы ер адамның үйінің артындағы егін алқабынан табылыпты. Қазіргі таңда есірткі егіп-өсіруі бойынша сотқа дейінгі тергеу жұмыстары жүргізілуде.
Әділет Әметбеков, Түркістан облыстық ПД есірткі қылмысына қарсы іс-қимыл басқармасының жедел уәкілі
- Қазіргі таңда аталған жайт ҚР ҚК-нің 300-бабымен «Құрамында есірткі заттары бар, өсіруге тыйым салынған өсімдіктерді заңсыз өсіру» СДТБТ-ға тіркелді. Сонымен қатар осы жылдың 1 маусымы мен 30 қазан аралығында есірткі қылмыстарын болдырмау мен алдын алу үшін «Қарасора-2022» жедел-профилактикалық іс-шарасы жүргізілуде.
