Азық-түлік бағасының тұрақталар түрі жоқ. Бұған дейін ел «картоп, сәбіз қымбат» деп дүрліксе, ендігі кезек қантқа да жетті. Соңғы 9 айда оның бағасы 30 пайыз өскен. Қанттың қымбаттағаны әсіресе қай өңірлерде қатты байқалды? Тағы қандай азық-түлік бағасы өсу кезегінде тұр? Толығырақ Шынар Әділханқызы тарқатады.
Қанттың қымбаттауы алдымен Нұр-Сұлтанда байқалдың. Бас қалада оның бір келісі – 320 теңге. Атырауда бұдан бес теңгеге арзан. Қымбатшылық жайлаған өңірлер тізімінде үшінші – Павлодар тұр. Ал Түркістан өңірінде бағаны тұрақтандыру үшін әлеуметтік бұрыштар ұйымдастырылған.
Лаура Жанасбаева, «Түркістан» ӘКК АҚ азық-түлікті тұрақтандыру қоры департаментінің директоры:
«Әлеуметтік дүкенде сенім телефондары бар. Егер де тұтынушылар тарапынан бізге шағым түсірген жағдайда шара қолданылады. Себебі бізде заим берген келісімшартымыз бар. Келісімшартта көзделген талаптар бар. Егер де міндеттемелерді орындамаған жағдайда тиісті шаралар көріледі деп келісімшартта көзделген».
Облыста бағаның өскенін мамандар да растап отыр. Айтуларынша, бұған ауылшаруашылық өнімдері мен жанармайдың қымбаттауы әсер еткен. Бір-бірінен тікелей байланысты себептер сөредегі барлық тауар бағасын көтеріп жіберген.
Дегенмен тұрғындар тиімділігі үшін 5 ірі супермаркетте әлеуметтік бұрыштар орнатылған. Онда 19 түрлі өнім нарықтан төмен бағада сатылуда. Мәселен, картоп, сәбіз – 100 теңге. Пияз – 70, күнбағыс майы – 690, күріш 245 теңгеден сатылуда. Одан өзге, ас тұзы – 41 теңге болса, шекер – 280, тауық еті – 870, қырыққабат –100 теңге.
Тойшы Әлиханов, тұрғын:
«1 келі болса да алса пайда ғой халыққа. Базарға қарағанда арзан. Енді соның ассортиментін көбейтсе. Тек пияз, сәбізден басқа ұн, май секілді ең бірінші керек тауарларды көбейтсе».
Аталған тауар өндірісін өткен жылмен салыстырсақ, Қазақстанның өзінде қант өндірісі 2 жарым есе өскен. Биыл еліміздің қант қызылшасы өсірілетін біршама өңірде құрғақшылық болды. Содан қанттың өнімділігі күрт төмендеген.
