Сағат 19:00-де Жамбыл облысы, Байзақ ауданында қуатты жарылыс болды, деп хабарлайды turkistanzaman.kz порталы ҚР Қорғаныс министрлігіне сілтеме жасап.
«Бүгін сағат шамамен 19:00-де Жамбыл облысының Байзақ ауданында орналасқан әскери бөлім қоймаларының бірінен өрт шықты. Өрт салдарынан белгісіз зат жарылған. Өртті сөндіруге бөлімнің шынжыр табанды өрт сөндіру машинасы мен өрт сөндіру командасы жұмылдырылған. Оларға Жамбыл облыстық ТЖД өрт сөндіру бөлімшелері көмек көрсетуде. Өрт сөндіру жалғасып жатыр. Өрттің неден шыққаны анықталу үстінде», – делінген министрлік таратқан ақпаратта.
Ведомство мәліметінше, оқиға орнына ҚР Қорғаныс министрінің орынбасары генерал лейтенант Руслан Шпекбаев бастаған Қорғаныс министрлігінің комиссиясы жіберілді.
