Сіздің жалақыңыз қолыңызға алатын жалақыдан көп екенін білетін шығарсыз. Бірақ қызметкердің жалақысынан нақты қандай шегерім жасалатынын білесіз бе, деп хабарлайды BAQ.KZ.
міндетті зейнетақы жарналары (МЗЖ) – табыстың 10% – ы (бірақ 50 ЕТЖ артық емес).
жеке табыс салығы (ЖТС) – 10%.
медициналық сақтандыруға жарналар – 2% (бірақ 10 ЕТЖ артық емес).
Бұдан басқа, жұмыс беруші өз жұмыскері үшін төлейтін төлемдер де бар: МӘСҚ-қа аударымдар, МӘСҚ-қа әлеуметтік аударымдар, еңбек жағдайлары зиянды қызметкерлер үшін әлеуметтік салық және кәсіптік зейнетақы жарналары.
Скринингтен кімдер және қашан өту керек?
Скрининг – бұл тәуекел факторлары мен ауруларды ерте сатыларда анықтау үшін белгілі бір жастағы сау адамдарды профилактикалық медициналық тексеру. Скринингтік тексерулер ауруды ерте сатысында немесе оған бейімділікті анықтауға, оңтайлы емдеу әдісін таңдауға және алдын-алу шараларының кешенін тағайындауға көмектеседі.
Қай жаста қандай тексерулер өткізіледі?
– қан айналымы жүйесі ауруларын және қант диабетін ерте анықтау үшін әрбір екі жыл сайын 40-62 жастағы ерлер мен әйелдер тексеріледі;
– глаукоманы ерте анықтау үшін әрбір екі жыл сайын 40-70 жастағы ерлер мен әйелдерді тексереді;
– сүт безінің ісік алды және ісік алды ауруларын ерте анықтау үшін әрбір екі жыл сайын 40-70 жастағы әйелдерді тексереді;
– әр 4 жыл сайын 30-70 жас аралығындағы әйелдерді қатерлі ісік алды аурулары мен жатыр мойны обырын ерте анықтау үшін тексереді;
– тоқ және тік ішектің ісікалды және ісік ауруларын ерте анықтау үшін әрбір 2 жыл сайын 50-70 жастағы ерлер мен әйелдер тексеріледі.
Скрининг қаралатын ауру бойынша диспансерлік есепте тұрмайтын адамдар үшін жүргізіледі.
Сондай-ақ, профилактикалық тексеру қан аурулары, гемодиализдегі қатерлі ісіктері бар, анамнезінде операциялық араласулар, қан мен оның компоненттерін құюдан өткен адамдардың созылмалы В және С гепатитін ерте анықтауға жүргізіледі.
