Облыстың 10 ауданынан келген аспаздар Түркістан төрінде ет асып, палау басудан сайысқа түсті. Оқиға орнынан Алия Мұқтарқызы баяндайы.
Самарқан, Бұқара, Ташкент палауы мен қазақтың ұлттық асы сынға түскен сайыста бәрінен бұрын әділқазыларға қиын болды. Дегенмен «Сайыстың аты – сайыс» деген олар ет асудан – Кентау аспаздарына, палау басудан сайрамдықтарға басымдық берді.
Мадияр Оразалиев, Сайрам ауданы әкімінің орынбасары:
«Келген қонақтарды жақсы қарсы алып, таңдай қақтыруға барлық күш-жігерімізді саламыз».
Тамақ әзірлеу ғана емес, фестивальде әр аудан қонақты күтіп-баптау мен киіз үй жабдықтаудан да сынға түсті. Сол бойынша киіз үйдің көркемдігі жағынан Түлкібас ауданы бәрінен басып озса, екінші орынды Қазығұрт пен Келес ауданы алды.
Сондай-ақ, әр өлкенің өнерпаздары өнер жарыстырып, ең үздік ұлттық киім үлгілерінің көрмесі де өтті.
Шералы Баймұратов, Абай ауданының тұрғыны:
«Абай ауданынан келіп тұрмыз. Бірілігім жарасып, өзіміздің ұлттық дәстүрімізді көрсетпек ниетте ұлттық киімдерімізді ала келдік. Қазақ еліне, Елбасына рахмет. Ел Тәуелсіздігінің 30 жылдығын осылай тойлап жатырмыз»
Айта кетейік, бұл іс-шара Тәуелсіздіктің төл құрдасы «Жануби Қозағистон» газетінің 30 жылдық мерейтойы қарсаңында ұйымдастырылды. Іс-шараға қатысқандардың ешқайсысы киелі шаһардан құр қол қайтқан жоқ.
