Әкім ойнатқан тендердің арқасында емханасыз қаламыз ба деген шымкенттіктер шу шығарды. Сөздерінше Достық шағын ауданындағы жалғыз емдеу орталығы қаланың басқа аумағына ауыстырылмақ. Бірақ, тұрғындар бұған қарсы.
Әкім ойнатқан тендердің арқасында емханасыз қаламыз ба деген шымкенттіктер шу шығарды. Сөздерінше Достық шағын ауданындағы жалғыз емдеу орталығы қаланың басқа аумағына ауыстырылмақ. Бірақ, тұрғындар бұған қарсы
Шымкент қаласының тұрғыны:
«Біз әкімді көрген емеспіз. Қабылдауына барсақ, бізді кіргізбейді әкім. Біз сонда немене шет елден келдік па? Осы Қазақстан азаматымыз ғой».
Ашуға булыққан Шымкенттегі Достық шағын ауданы тұрғындарының 40 пайызға жуығы мүгедектер. Енді олар аумақтағы жалғыз емханадан айрылып қаламыз ба деп алаңдаулы. Себебі бір аптадан бері емдеу орталығына көшірілетіні туралы хабарлама ілінген.
Сайдынгүл Асан- Шымкент қаласының тұрғыны:
«Халықтың жағдайын ойлап отырған Әйтенов жоқ. Бұны тендерге кім тікті? Тендерге тігуге кім рұқсат береді? Әкім. Әкімнің алдынан өтпей ешкім ештеңе істемейді».
Гүлфарида Кокишева — Шымкент қаласының тұрғыны:
«Бала туды дейді. Бала туғаннан кейін сол балаларды апару керек қой доқтырға. Қарату керек қой бір айлығынан бастап. Қалай көтеріп барады олар? Ана мен баланың жағдайын жасайтын мемлекетпіз дейміз. Кәнекей ана мен бала жағдайын жасағанымыз? Лажы болса, осы өзіміздің үйреніп қалған емханамыз, үйреніп қалған медбикелеріміз осыны осы жерде қалдырсын»
Шымкенттегі Достық шағын ауданына негізінен мүмкіндігі шектеулі, көпбалалы және аз қамтылған отбасылар қоныстанған. Мәселені естіген әкімдік, айғайдан кейін іске кіріскендей.
Нұржан Дүйсенов — Шымкент қаласы Қаратау әкімдігінің бөлім басшысы: «Бүгінге таңда Отау мен мекемесінің басшылығы мен Ахуал мекемесінің басшылығы сөйлестік. Екеуін бір-бірімен сөйлестірдік. Қазіргі кезде сол зданияда қалып, арендасын да сөйлесіп жатыр. Бүгінгі күнде шешіліп те қалды».
Жауаптылар сөзіне сенсек, Достық шағын ауданындағы жалғыз емхана екі ай өз орнында қалады. Одан кейінгі жағдай тараптар келісімінен кейін белгілі болмақ.
