Түркістан облысының қоғамдық денсаулық басқармасы бюджетті бей-берекет жұмсап отыр ма? Ендеше қалай мемлекеттік мекеме бар болғаны 5 дәрігердің біліктілігін арттыру үшін бақандай 7 млн 300 мың теңге шығындаған? Яғни әр адамға – 1 млн 400 мың теңге. Ал, нақ осындай курсты алматылық 20 ақ халатты бар болғаны 600 мың теңгеге оқыған.
Статистика бойынша елімізде мұндай курстардың жан басына шаққандағы орташа бағасы 50-60 мың теңгеден әрі аспайды. Алайда, облыстың бас дәрігері мамандардың білімін Қазақстанда емес Түркияда жетілдіргенін айтады. Сондықтанда оқу ақысы қымбатқа түскен. Әрмен қарай ақ халаттылар отанға оралған соң тоқығанын өзге әріптестеріне үйретуге міндеттелген екен.
Марат Пашимов, облыстық қоғамдық денсаулық басқармасының басшысы:
«50 мың теңгеден бар Алматыда, Қазақстанның ішінде оқытуға болады. Ал біз ол адамдарды шетелге жібердік. Жаңа аурухана салынады. ВI-group-пен бірге. Дәрігерлер, медбикелер соған дайын болуы керек. Ондай аурухана тіпті бүкіл республикада жоқ».
