Нұр-Сұлтанда футболшылар арасында жаппай төбелес болды, салдарынан бір ойыншы басынан соққы алып, есінен танып қалды, – деп хабарлайды Vesti.kz.
AFL (Astana Fytbol Ligasy) ресми сайтындағы видео мен ақпаратқа қарағанда, бұл 11 қыркүйекте SanSet пен “Барыс” арасындағы матчта болған. Ойын “Жазғы біріншілік – 2 – 2021” турнирінің төртінші лигасы аясында өткен.
“Барыс” барлық ойында 0:5 есебімен жеңілген, SanSet-ке қарсы матчте де сондай нәтиже тіркелген.
Аталған оқиғаға қатысты қалалық Полиция департаментінің баспасөз қызметі ресми түсініктеме берді.
“11 қыркүйек күні Тұран даңғылындағы “Сайран Арена” футбол алаңында “San Set” және “Барыс” әуесқой футбол клубы арасында жоспарланған матч өтті. Ойын барысында футболшылар арасында жанжал туындаған.
Орын алған оқиғаға қатысты полицияға хабарлама келіп түскен соң, жанжалға қатыстылар “Есіл” аудандық Полиция басқармасына жеткізілді. Кінәлілерге қатысты әкімшілік іс қозғалды”, – делінген хабарламада.
Сондай-ақ, қалалық ПД-нің мәліметінше, іс сотқа жөнелтілді. Және жанжалға қатыстылармен профилактикалық әңгіме өткізілді.
https://youtu.be/4Y2U-HTWM-8
