Желіде Ақтөбедегі аттракцион түтіндеп, өрт шыққаны түсірілген видео тарады, – деп хабарлайды Tengrinews.kz тілшісі.
Кадрлар бірнеше күн бұрын Пушкин атындағы қалалық саябақта түсірілген. Қыздар “Түймедақ” аттракционына отырған. Олар аттракционның бір бөлігі түтіндеп жатқанын байқап, видеоға түсіріп алған.
“Түтіндеп жатыр, бір жағында біз отырмыз. Міне, жағдай осындай. (…) 500 теңге бересің, оған қоса “жанасың”. Болып тұрады, “Түймедақ” шаршаған шығар”, – делінген видеода.
@zinovich.c А тут загорелись 😂 #актобе #актобеказахстан #актобетикток #fup #fyp #fypシ ♬ оригинальный звук – zinovich.с
Кадрлардан өрт шыққан кезде аттракциондағы адамдардың ешқайсы дүрбелең туғызбағаны, кейін әткеншек тоқтағанын көруге болады. Келушілердің ешқайсысы зардап шекпеген.
