Жамбыл облысында орын алған төтенше жағдайға байланысты теміржол қатынасы уақытша тоқтатылған болатын.
Бір ғана Арыс станциясында Ақтөбе-Алматы, Қызылорда-Көкшетау бағындағы пойыздар бірнеше сағат аялдауға мәжбүр болды. 1000-нан астам жолаушы жарты жолда қалды.
Ал Түлкібас станциясында Ақтөбе-Алматы бағытындағы жолаушылар пойызының 460 жолаушысы ертесіне дейін станцияда аялдап қалуға мәжбүр болды.
Осыған байланысты Арыс қаласы және Түлкібас ауданы әкімдіктерінің ұйытқы болуымен жолаушыларға ас, су ұсынылып, қажеттіліктеріне қарай өзге де көмек көрсетілді. Шымкент қаласына жеткісі келген жолаушылар үшін жергілікті кәсіпкерлер тарапынан арнайы көліктер ұйымдастырылды.
