Субсидияны көлеңкелі жолмен алған келіншек құрықталды. Оқиға Қазығұрт ауданы Қызылқия ауылында болған. Алма бағы бар шаруа қожалығының есепшісі жалған құжаттар әзірлеп, қаржыны қалтасына басқан. Баққа қатысты тексеру барысында 4 500 дана темір-бетон тіреуіш бағанасы орнатылған. Алайда субсидия алу құжатында бұл жерде 16 000 дана тіреуіш құрылғысы бар деп көрсеткен. Осылайша мемлекеттен 52 млн теңге заңсыз қаржы алынған. Қазір қылмыскерге қатысты сот үкімі шықты.
Әлімжан Сартбай – Түркістан облысы бойынша экономикалық тергеп-тексеру департаментінің басқарма басшысы:
«Түркістан облысы Қазығұрт аудандық сотының үкімімен «Үш-ата» шаруа қожалығының есепшісі А.С.Тенебаева Қазақстан Республикасы Қылмыстық кодексінің 190-бабы 4-бөлігі 2-тармағы және 219-бабының 2-бөлігімен айыпты деп танылды. ҚР Қылмыстық кодексінің 58-бабының 3-бөлігі негізінде А:С:Тенебаеваға, мүлкін тәркілеусіз түпкілікті 5 жылға бас бостандығын айыру жазасы тағайындалып, қылмыстық кодексінің 63-бабын қолданы, белгілеген жаза шапртты деп саналды. Қылмыстық іс бойынша жәбірленуші Түркістан облысы бойынша ауылшаруашылығы басқармасының талап арызы қанағаттандырылып, оның пайдасына сотталған А.С.Тенебаевадан 52 млн теңгеден астам қаражат өндіру туралы сот үкімі шықты».
