Алматы қаласы, Алатау ауданындағы көшелердің бірінде қойма өртенді,-деп хабарлайды TurkistanZaman ақпарат агенттігі Алматы қалалық Төтенше Жағдайлар департаментіне сілтеме жасап.
Деректерге сүйенсек, өрт таңғы сағат 10 шамасында басталған. Құтқарушылар келгенде жалын ғимараттың шатырына жетіп, тауар сақталған көрші ғимаратты шарпуға аз қалған. Өрт сөндірушілер тілсіз жаумен алысып, бір сағатта сөндірді. Төтенше жағдайға 16 техника мен 40 өрт сөндіруші жұмылдырылды. Зардап шеккендер жоқ.
